Forsetahjónin voru í opinberri heimsókn í Reykjanesbæ í dag. Þau heiðruðu eldri borgara í Reykjanesbæ með nærveru sinni á vegum félags eldri borgara og mættu á léttan föstudag í þjónustumiðstöð Nesvalla.Um 200 eldri borgarar mættu í gleðina þar sem allir sungu saman undir dynjandi harmonikkuspili þeirra félaga úr harmonikkufélagi Suðurnesja. Forsetahjónin gengu svo um og heilsuðu upp á eldri borgarana.

Íbúum Hrafnistu á Nesvöllum og Hlévangi var boðið í gleðskapinn og voru þau sem gátu þegið boðið alsæl eftir samverustundina.