Hrafnista bauð starfsfólki sínu á Hrafnistu Reykjavík og Kópavogi og fjölskyldum þeirra á jólaball í dag. Langleggur og Skjóða úr leikhópnum Lottu sáu um skemmtunina. Þau voru í banastuði ásamt jólasveinum sem mættu á svæðið og leiddu um 100 börn og fullorðna með dans og söng í kringum jólatréð. Börnin fengu góðgæti í poka og boðið var upp á heitt súkkulaði og smákökur. Virkilega notaleg samverustund og allir skemmtu sér vel.