Nýr framkvæmdastjóri rekstrarsviðs Hrafnistuheimilanna
Oddgeir Reynisson hefur verið ráðinn framkvæmdastjóri rekstrarsviðs Hrafnistuheimilanna. Með skipulagsbreytingu sem varð á skipuriti Hrafnistu þann 1. október s.l. er rekstrarsvið eitt þriggja stoðsviða í starfsemi Hrafnistu en hin tvö sviðin eru heilbrigðissvið og fjármálasvið.
Oddgeir er menntaður viðskiptafræðingur frá Háskóla Íslands. Hann hefur víðtæka reynslu úr íslensku atvinnulífi en hann hefur meðal annars starfað fyrir Flögu/Medcare og sem fjármálastjóri Nesskipa. Hann var rekstrarstjóri hjá Nova á árunum 2007-2015 og síðan þá hefur hann verið útibússtjóri Arion banka í Fjallabyggð.