Í vikunni hófst samstarfsverkefnið „pokalaus leikskóli“ milli Hrafnistu í Hafnarfirði og leikskólans Norðurbergs. Börnin komu í heimsókn með efni sem þau voru búin að safna fyrir verkefnið og tók starfsfólk og heimilisfólk á móti þeim. Samstarfsverkefnið er svo þannig að heimilisfólk, þjónustunotendur og starfsfólk munu sauma einfaldar töskur fyrir börnin til að setja í fatnað og annað sem þarf til að fara á milli heimilis og leikskóla. Ætlunin er að byrja á því að vinna í þessu verkefni í næstu viku og munum verða á fimmtudögum eftir hádegi. Við vonumst til að sem flestir sjái sér fært að taka þátt, annað hvort með vinnuframlagi eða bara skemmtilegu spjalli á meðan unnið er.