Föstudagsmolar

Föstudagsmolar eru vikulegur pistill sem forstjóri Hrafnistu skrifar með upplýsingum til starfsfólks um það sem er efst á baugi í starfsemi Hrafnistuheimilanna. Öðru hverju eru ýmsir úr stjórnendahópi Hrafnistu fengnir sem gestahöfundar föstudagsmola.
 
 
 
 

Föstudagsmolar 7. júní 2019 - Gestaskrifari er Kristján Björgvinsson, fjármálastjóri Hrafnistuheimilanna

Lesa meira...

Ágæta samstarfsfólk á Hrafnistuheimilunum,

 

Lífið er yndislegt.....

......og ég geri það sem ég vil. Þessi dægurtexti hljómar vel og er viðeigandi þegar ég lít yfir farinn veg. Nú eru rúmir 7 mánuðir síðan ég hóf störf hjá Hrafnistu og tíminn hefur liðið hratt, enda gleðin oft við völd. Hér starfar einstaklega samheldinn og skemmtilegur hópur, sem vinnur göfugt og oft á tíðum ósérhlífið starf. Það er líka gaman að koma við í nýjustu viðbót okkar, Hrafnistu Skógarbæ, þar sem iðulega er tekið á móti manni með bros á vör. Starfsfólk Hrafnistu á hrós skilið fyrir það vinnuumhverfi sem það hefur búið til með jákvæðu viðhorfi sínu og góðri framkomu.

Hæhó jíbbí jei það er kominn 17. júní....  Kannski ekki alveg, en bara ein vinnuvika enn. Það sama er ekki að segja um nýja kjarasamninga flestra starfsmanna Hrafnistu. Eldri samingar runnu út hjá flestum þann 31. mars síðastliðinn og er fátt að  frétta af nýjum kjarasamningum. Orlofsuppbót var greidd um síðustu mánaðrmót og var tekið mið af því hvernig hún var í fyrra. Ef samið verður um breytingar á orlofsuppbótinni verður greiðslan leiðrétt þegar þar að kemur. Vonandi klárast samningarnir sem fyrst og allir verða glaðir með sitt.

Nú árið er liðið í aldanna skaut

Ársskýrsla Sjómannadagsráðs var lögð fyrir aðlafund í byrjun maí. Rekstur Hrafnistuheimilanna í heild gekk mjög vel árið 2018 og afkoman jákvæð á flestum heimilum

Samningar við Sjúkratryggingar Íslans runnu út um síðustu áramót og hafa ekki verið endurnýjaðir. Nú er unnið eftir gjaldskrá sem Sjúkratryggingar hafa gefið út einhliða. Árið 2019 verður þyngra í rekstri þar sem niðurskurður er á daggjöldum á milli ára, svo þau halda ekki í við verðlags- og launaþróun. Einnig var gerð breyting á samsetningu daggjalda sem koma illa niður á minni heimilunum okkar. Við tökumst þó á við þetta með bros á vör.  Rekstrartölur fyrir fyrstu 3 mánuði ársins 2019 eru að mestu í takt við áætlanir fyrir tímabilið.

Þið verðið að fyrirgefa mér þetta dægurlagaþema, en María Fjóla kynnti mig fyrir Hugleiki nokkrum Dagssyni og hans dægulagamenningu og sumir textanna birtast manni eins og myndir.

 

Góða Hvítasunnuhelgi

Kristján Björgvinsson, fjármálastjóri Hrafnistuheimilanna

 

PS ef þið þurfið að ná mér og ég er ekki við, vinsamlegast hringið í golfskálann í Garðabæ og skiljið eftir skilaboð ⯑

 

Lesa meira...

Síða 4 af 191

Til baka takki