Föstudagsmolar

Föstudagsmolar eru vikulegur pistill sem forstjóri Hrafnistu skrifar með upplýsingum til starfsfólks um það sem er efst á baugi í starfsemi Hrafnistuheimilanna. Öðru hverju eru ýmsir úr stjórnendahópi Hrafnistu fengnir sem gestahöfundar föstudagsmola.
 
 
 
 

Föstudagsmolar 11. desember 2015 - Gestaskrifari er Sigurbjörg Hannesdóttir, deilarstjóri iðjuþjálfunar Hrafnistu Reykjavík og Kópavogi

Jólakort Hrafnistu 2015
Lesa meira...

 

Saga jólakorta Hrafnistu

Sú skemmtilega hefð skapaðist fyrir 9 árum síðan að ákveðið var að fá þá fjölmörgu listamenn Hrafnistu til liðs við okkur í að skapa jólakort Hrafnistuheimilanna. Ákveðið var að halda keppni og fá fólk til að senda inn tillögur: máluðum myndum sem yrði notað á jólakort Hrafnistuheimilanna. Fjölmargar tillögur hafa borist okkur ár hvert og gaman að sjá fjölbreytileikann og jólaminningarnar sem skapast í myndunum. Flestar tillögurnar hafa komið frá Hafnarfirðinum og Reykjavík.

Jólakort Hrafnistu er prentað í 3500 eintökum og sent til allra heimilismanna, starfsmanna og annarra viðskiptavina og velunnara Hrafnistu. Hafnafjörðurinn hefur verið með flestar vinningsmyndir og gaman að segja frá því að Guðbjörg Sigrún Björnsdóttir hefur verið með vinningsmyndina þrisvar sinnum og Sigríður Ólafsdóttir tvisvar sinnum.

2007 Guðný Baldursdóttir Hrafnista Hafnarfjörður

2008 Guðbjörg Sigrún Björnsdóttir Hrafnista Hafnarfjörður

2009 Guðbjörg Sigrún Björnsdóttir Hrafnista Hafnarfjörður

2010 Kristín H. Tryggvadóttir Hrafnista Hafnarfjörður

2011 Sigríður Ólafsdóttir Hrafnista Reykjavík

2012 Sigríður Ólafsdóttir Hrafnista Reykjavík

2013 Gerða Hammer Hrafnista Hafnarfjörður

2014 Elínbjörg Kristjánsdóttir Hrafnista Hafnarfjörður

2015 Guðbjörg Sigrún Björnsdóttir Hrafnista Hafnarfjörður

 

Í dómnefnd jólakortasamkeppninnar sitja Leifur Breiðfjörð myndlistamaður, Sigríður G. Jóhannsdóttir vefnaðarkennari og Guðný M. Magnúsdóttir myndlistamaður. Við erum ótrúlega þakklát dómnefndinni fyrir vel unnin störf síðastliðin 9 ár og þökkum þeim kærlega fyrir alla hjálpina.

Í ár verður hægt að kaupa jólakort Hrafnistu og kostar stykkið 300 krónur og rennur allur ágóðinn til iðjuþjálfunar á Hrafnistuheimilunum.

2016 er 10 ára afmæli keppninnar og aldrei að vita nema við lumum á einhverjum nýjungum. Upp hafa komið hugmyndir um að stofna jólaljóða- eða jólakvæðasamkeppni sem væri með í jólakortinu.

 

Inni í jólakortinu 2015 er jólakvæði sem dóttir Guðbjargar Sigrúnar Björnsdóttur orti.

Besti tíminn nálgast brátt,

bráðum koma jól.

Syngjum allir saman í sátt,

sálminn Heims um ból.

                  (Halla Þórhallsdóttir)

 

Jólakveðja

Sigurbjörg Hannesdóttir

Deildarstjóri iðjuþjálfunar

Hrafnista Reykjavík og Kópavogur

 

Lesa meira...

Síða 124 af 159

Til baka takki