FÖSTUDAGSMOLAR FORSTJÓRA

Föstudaginn 14. október 2016.

Ágæta samstarfsfólk,

Bleikur dagur í dag!!!

Október er mánuður Bleiku slaufunnar, árveknis- og fjáröflunarátaks Krabbameinsfélags Íslands gegn krabbameinum hjá konum.

Við hér á Hrafnistuheimilunum, höfum á undanförnum árum, tekið þátt í átakinu af krafti; skreytt húsin og haldið formlega upp á bleika daginn með ýmsum hætti – til dæmis með því að hvetja fólk til að klæðast bleiku.

Dagurinn í dag, föstudagurinn 14. október, hefur svo formlega verið lýstur „bleikur dagur“ hér á landi og allir hvattir til að klæðast bleiku.

Hrafnistuheimilin eru að sjálfsögðu með í “bleika deginum.” Það er frábært að sjá þátttökuna hjá starfsfólki og íbúum okkar í dag. Þó ég hafi ekki náð að koma á öll heimili ennþá er ég búinn að sjá tölvuert að skemmtilega bleikum myndum frá ýmsum deildum. Nokkrar myndanna er meðal annars að finna hér á heimasíðunni.

Vel gert – Áfram bleik Hrafnista!

Jólagjöfin mín í ár…

Þar sem nú eru aðeins 71 dagur til jóla vildi ég upplýsa ykkur að að jólagjöf Hrafnistu til ykkar starfsfólks verður með svipuðum hætti á síðustu ár. Þeir sem eru í 30% starfi eða meira fá inneignarbréf í Kringluna. Upphæð inneignarinnar var hækkuð í fyrra úr 5.000 kr í 7.500 kr og mæltist þessi breyting mælist vel. Rétt er að taka fram að inneignarbréf í Kringlunni eru valin fram yfir hefðbundinn inneignarkort banka þar sem viðskiptabanki okkar rukkar 500 krónu fyrir hvert bankakort og þar með myndi innhald gjafarinnar rýrast í 7.000 kr. Það erum við ekki sátt við og völdum því að færa okkur í Kringluna.

Breytingin frá því í fyrr er sú að í stað konfektkassa þá, fá nú allir starfmenn Hrafnistu-miða í Laugarásbíó en miðinn gildir á sýningu þar fyrir tvo, ásamt poppi og kók fyrir báða aðila. Miði sem þessi er að verðmæti um 4.000 kr. Þannig að verðgildi jólagjafarinnar frá því í fyrra hækkar um a.m.k. 2.000 kr. milli ára. Það skal áréttað að þeir sem eru í minna en 30% starfi fá einungis bíó-miðana að gjöf eins og verið hefur (fá ekki Kringlu-kortið), en allir sem eru í 30% starfi eða meira fá semsagt Kringlukort (7.500 kr) og bíómiðann góða.

Dreifing afmælisgjafa verður kynnt þegar nær dregur.

Áhugaverð ráðstefna á þriðjudaginn!

Á þriðjudaginn 18. október ætla Samtök fyrirtækja í velferðarþjónustu að blása til málþings með helstu stjórnmálaflokkunum um framtíð velferðarþjónustufyrirtækja á Íslandi. Aðilar eins og Krabbameinsfélagið, Sjálfsbjörg, SÁÁ, Sólheimar, Heilsustofnun NLFÍ í Hveragerði og hjúkrunarheimili landsins eru að sjá um gríðarmikilvæga þjónustu í velferðarkerfinu okkar en ríkið er oft á tíðum ótrúlega óviljugt að koma með sanngjarnar og réttlátar greiðslur fyrir þjónustu þessara aðila. Ég held að íslenskt velferðarkerfi væri ansi mikið aftar á merinni ef aðila eins og t.d. Sjómannadagsráðs, Krabbameinsfélagsins eða SÁÁ hefði ekki notið við. Kaup ríkisins á þjónustu þessara aðila skilar sér margfalt til baka, bæði í samfélagslegum verðmætum og fjárhagslegum sparnaði á öðrum stöðum.

Endilega fjölmennið á Hótel Natura á þriðjudag ef þið hafið áhuga á þessum málum.

Sjá nánar í auglýsingu hér á heimasíðunni.

Starfsafmæli í október

Nú í október eiga nokkrir úr okkar góða starfsmannahópi, formleg starfsafmæli. Þetta eru:

3 ára starfsafmæli: Í Kópavogi eru það Brynhildur Káradóttir, Svana Kristinsdóttir og Lára Björk Elíasdóttir. Í Hafnarfirði eru það Ingigerður R. Kristinsdóttir í iðjuþjálfun, Edda Þorleifsdóttir á Ölduhrauni og Hafdís Arna Sigurðardóttir og Lilja Björk Bjarnadóttir, báðar á Sjávar- og Ægishrauni. Einnig Anna E Skovsgaard Jónsdóttir í borðsal í Reykjavík.

5 ára starfsafmæli: Íris Huld Hákonardóttir sjúkraþjálfari í Hafnarfirði og Agnieszka Marta Tomaszewska í Kópavogi.

10 ára starfsafmæli: Ósk U. Anuforo á Mánateig í Reykjavík, Pétur Thorsteinsson læknir og Rannveig Helgadóttir á Sjávar- og Ægishrauni í Hafnarfirði.

Hjartanlega til hamingju öll og kærar þakkir fyrir ykkar góðu störf í þágu Hrafnistu.

Góða helgi!

Bestu kveðjur,

Pétur