Ágæta samstarfsfólk á Hrafnistuheimilunum,
Sumargrillum Hrafnistu lokið – kærar þakkir!
Í gær fór fram sumargrillveisla okkar á Ísafold í Garðabæ og lauk þar með útgill-hátíðum Hrafnistu þetta sumarið. Er það venja á öllum að hafa amk eina stóra grillveislu fyrir íbúa og starfsfólk á hverju heimili á sumrin. Þó veðrið hafi verið misgott hefur þetta tekist mjög vel og samtals langt yfir 1.000 þátttakendur. Svona fjölmennar grillveislur þarf auðvitað að undirbúa með góðum fyrirvara og margir leggja hönd á plóg við undirbúning, framkvæmd og frágang. Þetta er skemmtilegur siður og er sannarlega flott krydd sem lífgar upp á daginn. Fjöldi mynda úr grillvelsunnunum hafa birst hér á heimasíðunni okkar.
Mig langar að nota þetta tækifæri og þakka þeim fjölmörgu úr ykkar hópi sem lögð hönd á plóg.
Það er forréttindi fyrir Hrafnistu að búa að hafa svona flottu fólki eins og ykkur, á að skipa – kærar þakkir!
Hrafnista í fréttum
Við á Hrafnistu þjónustum yfir 1.000 manns á degi hverjum. Aðallega eru þetta eldri borgarar og er markmiðið að aðstoða fólk við að njóta lífsgæða í samræmi við óskir, getu og þarfir hvers og eins. Þetta er mikið og merkilegt starf og auðvitað er mikilvægt að við sjálf höldum því á lofti. Oft gagnrýnum við fjölmiðla fyrir að vilja bara fjalla um neikvæða hluti en við þurfum þá líka að bera þá ábyrgð að vera dugleg að benda á jákvæða hluti og það sem vel er gert.
Í ljósi stærðar okkar og umfangs erum við oft í fjölmiðlum. Sem betur fer er það yfirleitt í jákvæðum nótum. Nær allir fjölmiðlar hafa fjöllað um fullveldishátíðarirnar okkar í sumar og þá sérstaklega verkefnið “Fullveldisbörnin” sem fram fór á Hrafnistu í Reykjavík 19. júlí s.l. Þar á meðal var sérstakur þátttur um verkefnið á Stöð2 þann 6. ágúst s.l. undir nafninu “feðgar á ferð”. Mörg staðarblöð hafa svo fjallað um fullveldishátíðarnar okkar á hverjum stað og til dæmis var baksíða Fjarðarpóstsins í Hafnarfirði nýlega algerlega tileinkuð Hrafnistu.
Loks er gaman að segja frá því að á blaðsíðu 2 í Fréttablaðinu í dag er skemmtileg mynd frá sumargrilli Hrafnistu í Garðabæ sem fram fór í gær.
Forvitnileg skýrsla KPMG fyrir Embætti landlæknis
Ég vildi nú vekja athygli ykkar á skýrslu um heildstætt mat á InterRAI mælitækjum fyrir hjúkrunarheimili og á færni- og heilsumati sem KPMG gerði fyrir Embætti landlæknis nú í vor en þessi skýrsla var birt nú á dögunum:
https://www.landlaeknir.is/um-embaettid/frettir/frett/item35196/Heildstaett-mat-gert-a-InterRAI-maelitaekjum-og-a-faerni--og-heilsumati
Í skýrslunni er að mörgu leyti tekið undir gagnrýni sem við hér á Hrafnistu, sem og fulltrúar hjúkrunarheimila og Samtaka fyrirtækja í velferðarþjónustu hafa haldið á lofti undanfarin ár. Meðal annars að ef stjórnvöld ætla að halda áfram að leggja niðurstöður úr RAI–mati til grundvallar fjárveitingu, þá þurfi að uppfæra RAI–mælitækið (InterRAI-NH) sem og halda betur utan um þjálfun og kennslu á tækið. Þá kemur einnig fram að bæta samstarf Embættis landlæknis og Sjúkratrygginga Íslands við eftirlit með gæðum og greiðslum.
Við hér á Hrafnistu, rétt eins og Samtök fyrirtækja í velferðarþjónustu, vonum að skýrslan leiði til þess að gerðar verði nauðsynlegar breytingar til að bæta starfsumhverfi hjúkrunarheimilanna hvað þetta varðar.
Starfsafmæli í júlí
Í júlí voru nokkur formleg starfsafmæli í okkar glæsta starfsmanna hópi. Þeir sem áttu starfsafmæli eru:
3 ára starfsafmæli: Í Reykjavík eru það Þorsteinn Arinbjarnarson og Atli Dagur Sigurðsson, báðir á Sólteig/Mánateig í Reykjavík. Í Hafnarfirði Arna Sif Sigfúsdóttir á Ölduhrauni og Valgerður Bjarnadóttir á þjónustuborði. Sumarrós H Ragnarsdóttir og Supavika Boonarch á Nesvöllum, Árdís Elva Jóhannsdóttir á Hlévangi og Gergana D Hristova í Garðabæ.
5 ára starfsafmæli: Heiðrún Elsa Harðardóttir á Engey/Viðey, Inga Lóa Ragnarsdóttir á Lækjartorgi, Eiríkur Erlingsson á Miklatorgi, Sigurrós Svavarsdóttir í dagþjálfun og Sara Steinunnardóttir á Sólteigi/Mánateigi, öll í Reykjavík.
10 ára starfsafmæli: Rósa Mjöll Ragnarsdóttir aðstoðardeildarstjóri sjúkraþjálfunar og Wenlan Hu á Sólteig/Mánateig, báðar í Reykjavík.
Takk kærlega fyrir tryggð og trúnað við Hrafnistu og til hamingju með áfangann!
Góða helgi og gleðilega Menningarnótt!
Bestu kveðjur,
Pétur