Top header icons

Hrafnista á Workplace FacebookHrafnista á Facebook

Þjónustumiðstöðin Árskógar

Í Árskógum er bæði rekið opið félagsstarf og félagsstarf með stuðningi.
Opið félagsstarf felur í sér að ókeypis aðstaða/húsnæði er í boði og er það opið verktökum sem geta staðið þar fyrir ýmsum námskeiðum. Starfsmenn félagsstarfsins geta þó verið hópum innan handar um ýmis viðvik.
Félagsstarf með stuðningi er fyrir þá sem af einhverjum orsökum þurfa á stuðningi að halda til að geta stundað félagsstarf. Greitt er lágt þátttökugjald fyrir umsjón leiðbeinenda.
Markmið félagsstarfs er að fyrirbyggja og draga úr félagslegri einangrun með því að bjóða upp á opið félags- og tómstundastarf auk fjölda námskeiða. Félagsstarfið er vettvangur samfunda, mannlegra samskipta og skapandi athafna. Leitast er við að virkja frumkvæði og hæfileika hvers og eins.
 
Frístunda- og félagsstarfið í Árskógum er opið frá kl. 8.00 - 16.00 alla virka daga. Í Árskógum fer fram fjölbreytt starfsemi sem er ætluð fólki á öllum aldri. Þar er í boði öflug dagskrá með skemmtilegum og fjölbreyttum verkefnum sem færir leiðbeinendur, sjálfboðaliðar og verktakar leiða. Morgunverður, hádegisverður og kaffi eru í boði í mötuneyti Árskóga, en panta þarf heitan mat með fyrirvara. Skráning í hádegisverð fer fram á staðnum eða með því að láta vita í síma fyrir kl. 9.00 að morgni. Hægt er kaupa sérstaka afsláttarmiða hjá starfsfólki í félagsmiðstöðvum.
 
Opið félagsrými er í húsinu með fjölbreyttri aðstöðu sem nýtist vel fyrir ýmiskonar hreyfingu, félagsstarf, fundi og ýmsa viðburði. Gott og notalegt rými er til staðar með fínu dansgólfi sem nýtist fyrir kaffi, spjall, bíósýningar, fyrirlestra og annað. Einnig eru hárgreiðslu- og fótaaðgerðastofur í Árskógum.
 
Frjáls aðgangur er að opnum rýmum til spilamennsku og húsnæðið er einnig lánað til ýmiskonar námskeiða, hópa- og klúbbastarfs eftir opnunartíma og á honum ef mögulegt er. Gestir hafa aðgang að tölvu og spjaldtölvum og nýjustu dagblöðin liggja jafnan frammi til lestrar. Helgistundir eru haldnar vikulega í umsjón presta Seljasóknar.
 
Umsjónarmaður félagstarfs í Árskógum: Anna Kristín Bjarnadóttir
Sími: 535 2700. Netfang: This email address is being protected from spambots. You need JavaScript enabled to view it. 
 

Hárgreiðslustofa 

Hafdís Heiðarsdóttir er hárgreiðslumeistari á Hrafnistuheimilinu í Skógarbæ. Hárgreiðslustofa er staðsett í kjallara. Tímapantanir eru í síma 510 2115 eða í síma 693 0889. 
 

Fótaðagerðarstofa 

Á Hrafnistu í Skógarbæ er starfandi fótaaðgerðastofa þar sem Rósa Ág. Morthens er starfandi fótaaðgerðarfræðingur. Fótaaðgerðastofan er staðsett á 2. hæð þjónustumiðstöðvarinnar að Árskógum 4.  Tímapantanir eru í síma 587 8841. 
 
 

Til baka takki

Fótur - skogarbær

Hrafnista Skógarbær ~ Sími 510 2100 (skiptiborð svarar milli kl. 8:00-16:00) ~  Árskógum 2 ~ 109 Reykjavík ~ 530596-2739 ~ hrafnista@hrafnista.is

 

 

 

 

Þessi vefsíða notar kökur (cookies). Með því að halda áfram að nota vefinn, samþykkir þú þessa virkni vefsins.
Samþykkja kökur