Leit

social link

 

Þátttaka í dvalarkostnaði

Íbúar geta þurft að taka þátt í dvalarkostnaði sínum vegna varanlegrar búsetu á dvalar- eða hjúkrunarheimili. Þátttakan er tekjutengd og er reiknuð út á grundvelli tekjuáætlunar. 

Hrafnista sér um að innheimta hjá heimilisfólki greiðsluþátttöku samkvæmt útreikningum Tryggingastofnunar, sem veitir allar upplýsingar um greiðsluþátttöku og forsendur útreiknings.

Að gefnu tilefni er bent á að Hrafnista hefur engar upplýsingar um forsendur útreiknings. Hlutverk Hrafnistu er að innheimta fyrir hönd Tryggingastofnunar og standa skil á innheimtri fjárhæð til Tryggingastofnunar.  

 
Á árinu 2017 gildir: 
  • Ef mánaðartekjur íbúa eru yfir 88.088 kr. á mánuði, eftir skatta, þá tekur hann þátt í dvalarkostnaði með þeim tekjum sem umfram eru. 
  • Greiðsluþátttaka verður þó aldrei hærri en 395.305 kr. á mánuði. 
  • Íbúi sem greiðir hámarks þátttökugjald er með tekjur að fjárhæð 483.393 kr. eftir skatt á mánuði. 
Aðeins íbúar 67 ára og eldri taka þátt í dvalarkostnaði. Ef íbúi tekur þátt í dvalarkostnaði byrjar hann að greiða frá fyrsta degi næsta mánaðar eftir að búseta hefst. Heimilið sér um að innheimta hlut íbúa í dvalargjaldi.
 
Uppgjör á þátttöku í dvalarkostnaði
 
Að lokinni álagningu skattyfirvalda ár hvert er þátttakan gerð upp hjá íbúum í dvalarrýmum. Eru þá bornar saman tekjur á tekjuáætlun sem þátttakan var reiknuð út frá og endanlegar tekjuupplýsingar í skattframtali. 
 
Komi í ljós að þátttakan var of lág innheimtir heimilið það sem vantar upp á. Komi hins vegar í  ljós að þátttakan var of há endurgreiðir heimilið inneignina. 
 
Sjá einnig upplýsingar á vef Tryggingastofnunar.
 
 

Til baka takki

Banners neðst á forsíðu 1

Happdrætti DAS